Konkursi ka qenë i hapur për të gjithë artistët, piktorët, arkitektët, dizajnerët grafik, fotografët, artizanët, studentët dhe profesionistët. Sheshi do ta ketë pjesë thelbësore monumentin e qëndresës, guximit dhe lavdisë së Adem Jasharit dhe familjes Jashari, si një prej themeleve të rëndësishme të lirisë së vendit.

Anëtar i jurisë është kryetari i komunës Përparim Rama, arkitekt dhe urbanist me karrierë të gjatë, i vlerësuar me çmime ndërkombëtare. Puna e tij është botuar në disa revista ndërkombëtare të dizajnit, përfshirë “London Building Design Magazine”.

Pjesë e jurisë e cila do të  vlerësojë kreativitetin, funksionalitetin dhe përshtatjen e sheshit monumental me kontekstin mjedisor dhe social të zonësdo është edhe Hajrulla Lushtaku.

Anëtari tjetër i jurisë profesionale është Gëzim Kastrati, një nga profesionistët e mëdhenj të fushës, me përvojë të gjatë dhe një numër të konsiderueshëm të projekteve të tipologjive të ndryshme, brenda dhe jashtë vendit.

Arkitekti Kastrati ka një numër jo të vogël projektesh të realizuara për apo në bashkëpunim me kompani të shtrira në shumë vende, përfshirë edhe komplekse të mëdha rezidenciale, në disa shtete të rajonit.

Juria e përzgjedhur nga Shërbimi i Arkitektit të Kryeqytetit do t’i përzgjedhë projektet fituese deri më 14 qershor. Punimet më të mira do të prezantohen më 28 qershor, ndërsa shpallja e fituesve do të bëhet më 29 qershor.

Pas analizave shteruese dhe një sërë punësh që janë kryer në drejtim të përgatitjes së dokumentacionit për tender, përgjatë muajve të fundit, është arritur që të kalohet në fazën e fundit para nisjes së ndërtimit të tunelit.

Përveç shkarkimit të trafikut, përmes ndërtimit të këtij tuneli synohet edhe lidhja e shesheve qendrore të qytetit, “Zahir Pajaziti”, “Nënë Tereza” dhe Ibrahim Rugova” me pjesën e qytetit të vjetër.

Njëkohësisht, në këtë mënyrë po krijojmë më shumë hapësira për këmbësorë e gjelbërim, ajër më të pastër e jetë më të shëndetshme për qytetarët.

Përfaqësuesi i Asociacionit të Arkitektëve të Kosovës, arkitekti Ardit Jadrashi, përfaqësuesi i Komunës së Prishtinës, arkitekti Gëzim Kastrati, dhe akademik Anton Berishaj, kanë shqyrtuar me kujdes të gjitha aplikimet, duke vlerësuar kreativitetin, funksionalitetin dhe përshtatjen e tyre me kontekstin mjedisor dhe social të zonës. Kriteret e vlerësimit kanë përfshirë integrimin kontekstual, aspektin funksional, inovacionin, origjinalitetin si dhe aspektet estetike.

Si rrjedhojë e një analize të thellë dhe pas diskutimeve shteruese, juria ka arritur në vendimin për të zgjedhur tre projektet më të mira, që shquhen për qasjen e tyre të veçantë ndaj arkitekturës dhe dizajnit të hapësirave edukative për fëmijë.

Këto projekte janë dalluar për origjinalitetin e tyre, meqë në trajtesën e tyre kanë ofruar zgjidhje të reja dhe të qëndrueshme, që synojnë të përmirësojnë cilësinë e jetës dhe të ofrojnë një mjedis të përshtatshëm për edukimin dhe lojën e fëmijëve të lagjeve Mati 1 dhe Kolovicë.

Fituesit e konkursit ndërkombëtar për koncept-dizajn të çerdhe-kopshtit në Lagjen Mati 1

Projekti fitues në konkursin ndërkombëtar për koncept-dizajn të çerdhe-kopshtit në Lagjen Mati 1, është përzgjedhur ai i arkitektëve Arjeta Gorqaj dhe Shpat Ademaj, të cilët atë e cilësojnë si ambient gjithëpërfshirës, që i përgatit fëmijët jo vetëm në rrafshin edukativ, por edhe në atë social dhe emocional.

“Të qenit pjesë e edukimit brenda kopshteve që pasqyrojnë rehatinë dhe sigurinë e shtëpisë është një prej elementëve thelbësorë në ngjizjen e ndjenjës së përkatësisë dhe qetësisë tek fëmiu. “Foleja” e ka të përbrendësuar këtë parim, duke integruar konceptin e shtëpisë, që bën të mundur krijimin e një ambienti të njohur dhe që mbështet zhvillimin fare të natyrshëm të fëmiut.
Ky koncept paraqet ndërthurje midis dizajnit intuitiv dhe dimensioneve psikologjike, duke ridefinuar dinamikën hapësinore në edukimin e hershëm të fëmijëve. Përtej të qenit përpjekje arkitekturore, ai paraqet një mësymje për ta riparë horizontin e të mësuarit, përmes lenteve të fëmiut, i cili kërkon rehati dhe siguri. Në një mënyrë, kemi sfiduar paradigmat konvencionale të edukimit duke krijuar hapësira që harmonizojnë shtysat e brendshme për rehati, përkatësi dhe për të hulumtuar, të cilat bëhen pjesë e jona që në fëmijëri. Kështu, ky lloj i çerdhe-kopshtit kalon përtej formave tradicionale të edukimit, duke ofruar një ambient shumëdimensional që i jep ngjyrat e nevojshme fëmijërisë.
Në thelb të konceptit të “Folesë” është të kuptuarit se ambienti luan rol thelbësor në zhvillimin e fëmiut. Është tanimë e dokumentar rëndësia e krijimit të një ambienti të sigurt, të cilin fëmiu e njeh, në rrënjosjen e ndjenjave të sigurisë dhe përkatësisë. Duke dizajnuar hapësira që u përgjajnë atyre të shtëpisë, ne kemi synuar që ta mbështesim zhvillimin kognitiv dhe emocional të fëmiut, duke bërë që dalja e tyre e parë midis të tjerëve të jetë më miqësore.
Filozofia prapa dizajnit të “Folesë” ka në thelb krijimin e një kapërcimi pothuaj të pavërejtshëm midis rehatisë së shtëpisë dhe hapësirave edukative në çerdhe-kopsht. Çdo aspekt i dizajnit, përfshirë atë të brendshëm, që prej materialeve, formave dhe ngjyrave, është krijuar me kujdes ashtu që të krijojë idenë e përkatësisë dhe ngrohtësisë.
Jemi të bindur që “Foleja” përfaqëson një përpjekje të ndryshme dhe krejt të veçantë në edukimin e hershëm, ku kufijtë midis shtëpisë dhe shkollës bëhen vështirë të dalllueshëm, duke krijuar hapësira që, po aq sa janë edukative, janë të këndshme. Ndërthurja e disa fushave në krijimin e këtij koncepti bën që “Foleja” të mund të quhet ambient gjithëpërfshirës, që i përgatit fëmijët jo vetëm në rrafshin edukativ, por edhe në atë social dhe emocional”.

Projekti i përzgjedhur si i dyti më i mirë në konkursin ndërkombëtar për koncept-dizajn të çerdhe-kopshtit në Lagjen Mati 1 është një bashkëpunim kosovaro-maqedonas. Duke vënë theksin tek ndikimi ambiental, por veçanërisht tek nevojat e fëmijëve për ambient të këndshëm, EN:A Office dhe Alko – H, vlerësojnë të kenë krijuar një hapësirë krejt të veçantë që i takon të ardhmes.

“Në projektimin dhe ndërtimin e kopshtit për fëmijë është marrë parasysh impakti ambiental dhe është përpiluar për të minimizuar ndikimin negativ në mjedis. Çerdhja ështe projektuar për të ofruar një mjedis të sigurt dhe stimulues për fëmijët e grupmoshaave të ndryshme. Në përgjithësi kemi të bëjmë me një zonë të qetë dhe e rrethuar nga dy anë me rrugë. Vetë forma e objektit parandalon daljen direkte në rrugë dhe krijimi i zonave për lojëra dhe aktiviteteve që janë më larg rrugëve për të reduktuar rrezikun.
Koncepti i formës së objektit me obor të brendshëm është një ambient i ndërtuar me qëllim për të siguruar qasje të lehtë dhe të sigurt për fëmijët në grupmosha të ndryshme. Fasada e ndërtesës është e projektuar me elemente të ventilimit, për të siguruar qarkullimin e ajrit të fresket dhe për të mbrojtur ambientin nga kondensimi dhe ndotja. Përdorimi i sistemit konstruktiv me shtylla dhe mure mbajtëse siguron stabilitet dhe siguri në ndërtim, duke i lejuar kopshtit të qendrojë në mënyrë të qëndrueshme dhe të sigurt.
Çerdhja është organizuar në një menyrë që të ofrojë hapësira të ndryshme të pranueshme për femijët e moshave nga 0,9 deri në 5 vjeç, si lojerat dhe aktivitetet e tjera. Pjesa e jashtme e çerdhes është e mbuluar me gjelbërime dhe lojëra për të ofruar një mjedis lehtë të qasshëm dhe te sigurt për femijet. Pjesa e kulmit është menduar të jetë e shfrytëzueshme duke krijuar një terasë të gjelbëruar e cila lidhet me oborrin e brendshëm duke mundësuar qasjen direkte si nga përdhesa dhe kati i parë, duke ofruar një ambient me lojra dhe aktivitet për fëmijë.
Kopshti përmban edhe ambiente të tjera shtesë si tualetet, kuzhina, dhoma gjumi, dhomë e kujdesit mjekësor dhe dhomë për personelin, te cilat janë të organizuara në mënyre të përshtatshme për nevojat e përdoruesve”.

Projekti i përzgjedhur si i treti më i mirë në konkursin ndërkombëtar për koncept-dizajn të çerdhe-kopshtit në Lagjen Mati 1 është ai i arkitektit turk Halil Soysal Cirit. Autori i projektit ka sqaruar se në fokus të krijimit të tij ka qenë maksimizimi i hapësirave të gjelbra dhe hapësirat që fëmijëve u japin mundësi të zhvillohen.

“Në një hapësirë të vendosur në aksin e rritjes së qytetit, midis hapësirave të reja rezidenciale, ky çerdhe-kopsht synon që t’i mbulojë nevojat e komunitetit përreth. Projektin e ndan nga rruga kryesore një zonë tampon, me një zonë konservimi. Meqë hapësirat e gjelbra përreth janë të bollshme dhe për faktin që kemi të bëjmë me çerdhe-kopsht, ka qenë shumë e rëndësishme që hapësirat e gjelbra të jenë sa më të shumta. Në këtë mënyrë reduktohet gjurma e karbonit dhe arrihet që fëmijët ta shijojnë strukturën e integruar kujdesshëm me natyrën. Oborri i brendshëm është vendosur me qëllim që të krijohet një hapësirë e sigurt dhe të ruhet gjelbërimi. Kjo strukturë në formën e një U-je me tre krahë kombinon zonën e gjelbër të oborrit dhe atë të zonës tampon, gjë që zvogëlon shumë zhurmat që mund të arrijnë deri në atë hapësirë. Funksionet e kopshtit dhe të çerdhes janë të vendosura në dy krahë të veçantë, ndërsa ndërtesa merr formën e saj me një krah të tretë, i dedikuar për funksione të përbashkëta. Kështu, ndërtesa ka hapet kah oborri me një hyrje të vetme dhe të kontrolluar. Përveç faktit që ngrehina është njëkatëshe edhe në fasadat e jashtme ajo përshtatet mirë me teksturën urbane përreth”.

Fituesit e konkursit ndërkombëtar për koncept-dizajn të çerdhe-kopshtit në Lagjen Kolovicë

Projekti fitues në konkursin ndërkombëtar për koncept-dizajn të çerdhe-kopshtit në Lagjen Kolovicë, një bashkëkrijimi i arkitektëve Serhat Sen, Kemal Tas, Dilara Akdemir, Alican Tufenkoglu dhe Ramiz Laçi, sipas tyre, sjell frymë të re në mënyrën si mendohen dhe realizohen çerdhe-kopshtet.

“Ngrehina është vendosur në një nga kodrinat e parcelës është dizajnuar mbi idenë e dizajnit që sheh nga brenda. Përmes krijimit të një shiriti të gjelbër në fasadë, ne kemi pasur për qëllim ta shfyrtëzojmë dheun i cili do të zhvendoset për ndërtim. Hapësirat funksionale përfshijnë zyrat, depotë dhe dhomat teknike, të vendosura në të dy anët e hyrjes. Në holl, ana e majtë të çon tek ndarjet e kujdesit ditor, të lidhura me një atrium dhe një kopsht të jashtëm, të cilin e kemi quajtur “Kopshti i qetë”. Ngjitur, në anën e djathtë të hollit është korridori i lojërave, që të çon tek kopshti. Kjo hapësirë ka disa oborre të brendshme, njëri prej të cilëve është më i madh se të tjerët, brenda të cilit është një amfiteatër i cili është i ndërlidhur me me çatinë. Po ashtu, një hapësirë tjetër e përbashkët, e ndërlidhur me ato të kopshtit, e cila zgjerohet në një oborr të brendshëm. Hapësira mund të përdoret në skenarë të ndryshëm edhe si çerdhe, por edhe si hapësirë publike. Në rrafshin e qëndrueshmërisë, çatia e ndërtesës mund të konsiderohet si e gjelbër dhe si e tillë lejon mbledhjen e ujit të shiut dhe po ashtu ka hapësirë dhe atributë për efiçencë të energjisë”.

Projekti i përzgjedhur si i dyti më i mirë në konkursin ndërkombëtar për koncept-dizajn të çerdhe-kopshtit në Lagjen Kolovicë, krijuar nga arkitektët nga Korea Jugore, Yejun Lee, Seohyun Lee dhe Chanwon Lee, të cilët shpjegojnë se bazuar në teorinë e edukimit Montessori kanë konceptuar një hapësirë fluide, e cila i përgjigjet nevojave zhvillimore të fëmijëve.

“Kopshti ynë, përveç të qenit hapësirë në të cilën fëmijët mund të jenë të lirshëm dhe të bashkëveprojnë aktivisht, u ofron atyre rehatinë e të qenit fëmijë. Në hapësirat që kemi dizajnuar ata mund të lëvizin lirshëm përgjatë rrugëve dhe hapësirave ndërlidhëse dhe po ashtu mund t’i lëvizin e t’i vendosin ku të duan mobiliet. Duke ndërtuar mbi teorinë e edukimit Montessori, ne kemi krijuar një trajtë fluide të kopshtit, për dallim nga ato statike, siç zakonisht janë çerdhet dhe kopshtet. Si e tillë ajo i nxit fëmijët të bëhen individë të veçantë dhe u mundëson ta rriten duke zgjeruar potencialet e tyre. Ndarja është bërë në tre nivele, duke vendosur programe në të njëtin nivel, ashtu që të rrite tefikasiteti. Ndërlidhjet janë bërë me rampa, ashtu që të mos ketë pengesa fizike dhe që mund të përdoren lehtë në raste të padëshirueshme emergjencash. Format kuboide janë të ndërlidhura mes vete përmes mbivendosjes, gjë që e bën përvojë më vete kalimin nga njëri nivel në tjetrin”.

Projekti i përzgjedhur si i treti më i mirë në konkursin ndërkombëtar për koncept-dizajn të çerdhe-kopshtit në Lagjen Kolovicë është po ashtu një bashkëpunim rajonal. Në shpjegimin e tyre lidhur me projektin, arkitektët Elja Putes, Jasmin Oerdic, Haris Dervisagic dhe Lejla Varenikovic, kanë shpjeguar që përmes elementëve të dizajnit ata janë munduar të tregojnë konsideratat për hapësirën dhe hapësirat rrethuese, duke mundësuar që kopshti të jetë i sigurt, mikpritëse dhe një ambient në të cilin fëmijët do të kenë dëshirë ta kalojnë një pjesë të ditës.

“Projekti ynë vë theksin tek trajtesa holistike ndaj dizajnit arkitekturor, duke i dhënë përparësi qasjes, sigurisë dhe funksionalitetit, në raport me konfigurimin e terrenit dhe kontekstin e përgjithshëm. Për faktin që parcela ka pjerrtësi natyrore dhe karakteristika lehtësisht të dallueshme, siç për shembull është pjesa kodrinore, e cila mund të shërbejë si park lojërash, dizajni ynë integrohet pa vështirësi brenda hapësirave rrethuese. Hapësira për shumë qëllime është vendosur në qendër të objektit, duke krijuar më shumë mundësi në të tre nivelet, përmes përfshirjes së atriumeve mirë të vendosura, ashtu që drita natyrore të depërtojë në hapësirat e brendshme. Njëkohësisht, çdo zonë, që prej hyrjes, deri tek dhomat e stafit mjekësor dhe dhomat e stafit tjetër të çerdhe-kopshtit janë trajtuar me kujdes të madh, për të siguruar funksionalitet dhe rehati për fëmijët dhe për vetë stafin. Duke i vendosur hapësirat e shërbimit në dy kate, ne synojmë që të ngrisim efikaistetin e punëve ditore dhe menaxhimin më të mirë të burimeve, në mënyrë që ambienti për fëmijët të jetë sa më i këndshëm. Tarracat ngjitur me hyrjen ofrojnë hapësira të përbashkëta për shoqërim dhe për të pushuar, duke i dhënë ndërtesës dimensionin e domosdoshëm social. Në këtë projekt, përveç krijimit të hapësirave të rehatshme për fëmijët, theksi vihet tek dizajni i qëndrueshëm dhe kujdesi ndaj mjedisit. Përmes elementëve të dizajnit ne kemi treguar konsideratat për hapësirën dhe hapësirat rrethuese, duke mundësuar që kopshti të jetë i sigurt, mikpritëse dhe një ambient në të cilin fëmijët do të kenë dëshirë ta kalojnë një pjesë të ditës”.

Për çerdhe-kopshtin në lagjen Mati 1, vlera e përgjithshme e shpërblimeve është përcaktuar në shifrën 12 mijë e 200 euro, prej të cilave 7 mijë euro i takojnë vendit të parë, 3 mijë e 500 vendit të dytë dhe 1 mijë e 700 euro vendit të tretë.

Ndërkaq, për çerdhe-kopshtin në lagjen Kolovicë, vendi i parë do të shpërblehet me 6 mijë euro, i dyti me 3 mijë dhe i treti me 1 mijë e 500 euro. Pra, tërësia e shpërblimeve do të jetë 10 mijë e 500 euro.

Në këto konkurse ndërkombëtare, të hapura në dhjetor të vitit të shkuar, përveç arkitektëve dhe studiove të arkitekturës nga vendi dhe rajoni, kanë aplikuar edhe një numër shumë i madh i arkitektëve dhe studiove të huaja.

Pasi u njohën me punën e madhe që po bëhet në një numër projektesh transformuese për Prishtinën – një ndërmarrje e stërmadhe e cila udhëhiqet nga SHAK, ata treguan përshtypjet e tyre të para lidhur me ato që panë dhe dëgjuan.

Një diskutim i frytshëm dhe interesant, prej të cilit ata mundën të kuptojnë vizionin e për Prishtinën e së ardhmes.

Por, përveç njoftimit të tyre me atë që po bëjmë dhe bisedave të hapura për të ardhmen e qyteteve moderne, ata do të angazhohen në disa projekte të rëndësishme për të ardhmen e kryeqendrës tonë, Prishtinës.

Sheshi do ta ketë pjesë thelbësore monumentin e qëndresës, guximit dhe lavdisë së Adem Jasharit dhe familjes Jashari, si një prej themeleve të rëndësishme të lirisë së vendit.

Konkursi është i hapur për të gjithë artistët, piktorët, arkitektët, dizajnerët grafik, fotografët, artizanët, studentët dhe profesionistët.

Qëllimi dhe rëndësia

• Monumenti synon të nderojë përkushtimin, guximin dhe sakrificën e palëkundur të Adem Jasharit dhe familjes së tij gjatë luftës së Kosovës për pavarësi.
• Shërben si një kujtesë e fuqishme për rolin e tyre kryesor në lëvizjen çlirimtare dhe përkushtimin e tyre ndaj kauzës.

Koncepti i dizajnit

• Monumenti se bashku me sheshin duhet të jetë një tërësi e arkitekturës peizazhore.
• Dizajni i monumentit duhet të ngjallë emocione dhe dinjitet duke përcjellë frymën e sakrificës me elementë të tillë si:
o Uniteti: Reflektoni sakrificën kolektive të familjes Jashari dhe popullit.
o Rezistenca: Kapni qëndrueshmërinë dhe vendosmërinë e shfaqur gjatë kohërave sfiduese.
o Liria: Simbolizoni qëllimin përfundimtar të çlirimit.
• Te nxisë bashkëpunim me artistë, arkitektë dhe historianë për të krijuar një koncept që rezonon me publikun.

Lokacioni

Sipërfaqja e përgjithshme e sheshit që vihet në dispozicion për realizimin e hapësirës publike me tematikën artistike monumentale është rreth 3000m2.

Dimensioni i sheshit duhet të jetë i ndarë në 3 zona

• Zona e veprës artistike (zona 1 – 30m x 30m)
• Zona e kalimtarëve (zona 2 – 30m x 30m)
• Zona e shijimit të veprës dhe ceremonive (zona 3 – 40m x 30m)

Forma e hapësirës

• Ka një forme drejtkëndore të rregullt e cila ka lidhje direkt me hapësirat e tjera publike në anët perimetrale.
• Në aspektin vizual sheshi është i vrojtuar nga të katër brinjët.
• Komunikim këmbësor me zonat përreth është i mundur vetëm nga 3 anë.

• Te merret parasysh afërsia me monumentet historike, hapësirat publike ose zonat e rëndësishme për lëvizjen çlirimtare.

Materialet dhe ndërtimi

• Projekti duhet të realizohet me materiale të qëndrueshme, që i rezistojnë kushteve të motit dhe kalimit të kohës
• Të përfshihet simbolika përmes materialeve (p.sh. guri, metali) që përfaqësojnë forcën dhe qëndrueshmërinë.
• Të sigurohen kompani të afta për të sjellë në jetë dizajnin.

Simbolizmi dhe elementet

• Që përfshijnë elemente vizuale që përcjellin sakrificën.
• Që vënë në pah figura: paraqisni Adem Jasharin, anëtarët e familjes së tij dhe luftëtarë të tjerë të lirisë.
• Flakët: Përfaqësojnë sakrificën, qëndrueshmërinë dhe kujtesën e përjetshme.
• Mbishkrimet duhet të rrëfejnë historinë e tyre, duke theksuar sakrificën dhe përkushtimin.

Aplikimi i teknologjisë

• Përdorimi i teknologjive të reja si inteligjenca Artificiale për rrëfimin e historisë duke e lidhur të kaluaren, të tanishmën dhe të ardhmen.

Komponenti arsimor

• Të bëhet integrimi me panele ose pllaka edukative pranë monumentit.
• Të vihet në pah kontekstin historik, informacion biografik dhe detaje rreth ngjarjeve të rëndësishme.
• Projekti ka qëllimin që vizitorët të mësojnë për historinë e Kosovës dhe rolin e familjes Jashari.

Integrimi i peizazhit

• Peizazhi me gjelbërim të implementohet me kujdes në kompozicionin.
• Te merren parasysh stolat ose vendet e uljes dhe qëndrimit për reflektim dhe meditim.
• Kujdes të veçantë duhet t’i jepet ndriçimit i cili do t’i japë efekt maksimal monumentit gjatë natës.

Inaugurimi dhe përkujtimi

• Të mendohet për vendin hapësirën gjatë organizimit të ceremonie dinjitoze të inaugurimit ku marrin pjesë zyrtarë qeveritarë, drejtues të komunitetit dhe familja Jashari.
• Monumenti do të përkujtohet çdo vit në data të rëndësishme që lidhen me lëvizjen çlirimtare.
• Të inkurajohen shkolla dhe universitete për të kryer programe dhe vizita arsimore.

Mirëmbajtja dhe ruajtja

• Të hartohet një plan mirëmbajtjeje për të siguruar jetëgjatësinë e monumentit.
• Monumenti duhet të Kontrollohet dhe riparohet rregullisht çdo dëmtim.
• Të përfshihen autoritetet lokale dhe anëtarët e komunitetit në kujdesin e tij.

Angazhimi publik

• Të bëhet promovimi i monumentit përmes mediave, ngjarjeve kulturore dhe nismave arsimore.
• Ky monument përfaqëson jo vetëm Adem Jasharin dhe familjen e tij, por edhe qëndresën dhe sakrificën e një kombi të tërë. Le të qëndrojë si një fener kujtimi dhe frymëzimi për brezat që do të vijnë.

Aplikimi

• Aplikimi do të jetë i hapur për të gjithë. Çdo kandidat ka të drejtë të dorëzojë numër të pakufizuar dizajnesh. Çdo krijim i tij duhet të jetë origjinal dhe veçanërisht i konceptuar e realizuar për këtë konkurs.
• Në asnjë mënyrë nuk do të pranohen krijime të shfaqura më parë, të rishikuara, ripunuara apo që ngjajnë, në çfarëdo mënyre, me krijime të tjera. Duhet po ashtu që krijuesit të dorëzojnë një certifikatë të noterizuar që dëshmon se veprat e tyre janë origjinale.

Kriteret bazë

• Kandidatët duhet që të dorëzojnë një abstrakt të shkruar të konceptit të tyre, që nuk duhet të jetë më i gjatë se 300 fjalë.
• Prezantimet duhet të paraqiten në atë mënyrë që të tregohet i tërë koncepti i dizajnit dhe në asnjë mënyrë nuk duhet të përmbajnë nënshkrimin e autorit apo shenja të tjera dalluese.
• Të gjitha dizajnet duhet të dorëzohen në formatin JPEG, në 300 DPI. Dorëzimi i projekteve bëhet në Google Drive, ku pas mbylljes së aplikimeve, pjesëmarrësit marrin akses në folderat e tyre specifik.
• Për t’u regjistruar dhe aplikuar, kandidatët duhet të klikojnë në këtë link dhe të mbushin formën: https://forms.gle/ZX1ji4ZWQCb1AzzPA. Nëse aplikimi është i suksesshëm, adimistrata konfirmon atë dhe u jep qasje për shkarkimin e dokumentave dhe ua jep hapësirën për t’i ngarkuar aplikacionet e tyre të finalizuara. Emaili duhet të jetë i krijuar specifikisht për qëllim të aplikimit në këtë konkurs, pjesa e parë e të cilit, jo më e gjatë se 6 (gjashtë) karaktere, do të jetë kodi I tyre i aplikimit: për shembull XyZ123@gmail.com. Assesi nuk pranohen aplikimet ku ne mund të shohim dicka tjetër përpos kodit që vendosin aplikantët. Të gjithë e- mailët e krijuara për këtë qëllim duhet që po ashtu të jenë të tipit Gmail.

Kriteret specifike

• Asnjë nga pjesëmarrësit në konkurs nuk mund të mbajnë pozita publike dhe as nuk mund të paguhen në një a një tjetër formë nga buxheti i Republikës së Kosovës.
• Të gjithë pjesëmarrësit në konkurs, që kanë biznes të regjistruar në Republikën e Kosovës dhe mbi gjysmën e stafit me shtetësi kosovare, do të kenë 5 (pesë) pikë shtesë, në vlerësimin përfundimtar. Të gjithë konkurruesit që nuk e plotesojnë këtë kusht, mund të përfitojnë prej bashkëpunimit me dikënd që e plotëson kushtin, me pjesëmarrje të përbashket 50/50 në projekt.
• Të gjithë pjesëmarrësit në konkurs, biznesi i të cilëve është i regjistruar në Prishtinë dhe më tepër se gjysma e të punësuarve janë banorë rezident në Prishtinë, marrin 5 (pesë) pikë shtesë, në vlerësimin përfundimtar. Të gjithë pjesëmarrësit që nuk e plotësojnë këtë kusht, mund të përfitojnë prej bashkëpunimit me dikënd që e plotëson kushtin, me pjesëmarrje të përbashket 50/50 në projekt.

Kërkesat për dorëzim

• Të gjitha dokumentet e dorëzuara duhet të jenë në PDF ose JPG. Kopja në dokument origjinal do të kërkohet si dëshmi e punës.
• 2 x A3 faqe që përshkruajnë strategjitë e dizajnit, filozofitë dhe metodat e përdorura për të krijuar konceptin e propozuar (maksimumi 1,000 fjalë).
• Maksimumi 5 x A2 faqe që tregojnë organizimin e vendit dhe konceptin e dizajnit.
• Një dokument A4 i jo më shumë se 20 faqe që shpjegon se si koncepti i propozuar përmbush kërkesat teknike dhe funksionale.
• Pano ekspozimi – A1 – nëse konkurrenti është në listën finale dhe është një nga 10 e parët, projekti tij/saj do të shtypet dhe paraqitet në galerinë promovuese.
• Pjesëmarrësit duhet të dorëzojnë projektet e tyre në folderat e tyre të posaçme në Google Drive, me një limit maksimal të madhësisë së projektit prej 200 MB. Jemi duke krijuar folderat per secilin konkurues dhe adresat specifike do t’u dërgohen pjesëmarrësve sapo të jenë gati. Çdo projekt që tejkalon kufirin e madhësisë të specifikuar do të rezultojë në diskualifikim.

Afatet kohore

Data e shpalljes së konkursit: 14 mars 2024

Data e mbylljes së aplikimeve: 15 prill 2024

Dorëzimi i projekteve: 29 maj 2024

Përzgjedhja e projekteve: 14 qershor 2024

Prezantimi i punimeve: 17-28 qershor 2024

Shpallja e fituesve: 29 qershor 2024

Shërbimi i Arkitektit të Kryeqytetit (SHAK) ka përcaktuar një listë të kërkesave dhe kritereve të cilat duhet të respektohen përgjatë këtij procesi.

1. Të gjitha dokumentet e dorëzuara duhet të jenë në PDF ose JPG. Kopja në dokument origjinal do të kërkohet si dëshmi e punës.
2. 2 x A3 faqe që përshkruajnë strategjitë e dizajnit, filozofitë dhe metodat e përdorura për të krijuar konceptin e propozuar (maksimumi 1,000 fjalë).
3. Maksimumi 5 x A2 faqe që tregojnë organizimin e vendit, konfiguracionin e ndërtesës dhe konceptin e dizajnit duke përdorur plane, seksione, elevacione, detaje indikative dhe perspektiva.
4. Një dokument A4 i jo më shumë se 20 faqe që shpjegon se si koncepti i propozuar përmbush kërkesat teknike, funksionale dhe të kërkesës.
5. Pano ekspozimi – A1 – nëse konkurrenti është në listën finale dhe është një nga 10 e parët, projekti tij/saj do të shtypet dhe paraqitet në galerinë promovuese.
6. Pjesëmarrësit duhet të dorëzojnë projektet e tyre në folderat e tyre të posaçme në Google Drive, me një limit maksimal të madhësisë së projektit prej 200 MB. Jemi duke krijuar folderat per secilin konkurues dhe adresat specifike do t’u dërgohen pjesëmarrësve sapo të jenë gati. Çdo projekt që tejkalon kufirin e madhësisë të specifikuar do të rezultojë në diskualifikim.

Propozimet duhet të përfaqësojnë një ndërthurje harmonike të modernizimit urban dhe të karakterit historik e kulturor të zonës. Projekti synon të krijojë një mjedis publik të qasshëm, të gjallë dhe estetikisht tërheqës, që ofron mundësi për relaks, aktivitete shoqërore dhe shfrytëzim të hapësirave të gjelbra, duke përfshirë elemente që theksojnë përkatësinë lokale dhe lidhjet ndërkombëtare.

Studiot ftohen të dorëzojnë propozimet e tyre në përputhje me udhëzimet e përcaktuara në dokumentet e konkursit, brenda afatit të përcaktuar tremujor. Shërbimi i Arkitektit të Kryeqytetit siguron se procesi do të zhvillohet me standardet më të larta profesionale, duke garantuar realizimin e projektit që do të përmirësojë cilësinë e jetës në kryeqytet.

Projekt-propozimet do të prezantohen sipas orarit të mëposhtëm:

Punimet do të ekspozohen në hollin e ekspozitave të Shërbimit të Arkitektit të Kryeqytetit, në rrugën Fehmi Agani, nr.43 në Prishtinë, prej datës 22.01.2024 deri 20.02.2024 me orar prej 09:00 deri 17:00, të shtunave prej 10:00 deri 20:00.

Ftohen qytetarët që sugjerimet e tyre dhe vërejtjet eventuale ti postojnë në kutinë e vendosur në hyrje të ekspozitës. Profesionistët e fushës dhe Arkitektët inkurajohen që pos postimeve të tyre të çmuara, të marrin pjesë aktivisht, edhe në prezantimet e autorëve të projektit të cilat do të mbahen sipas orarit në vijim:

• Prezentimi i punimit të kompanisë “Yazgan Design Architecture”, nga Ankaraja, do ta udhëhiqet nga autori z.Kerem Yazgan dhe i njejti do të mbahet në adresën e mësipërme të mërkurën, më 21.02.2024 prej orës 10:00 deri 12:00. Në këtë orar janë të përfshira edhe pyetjet dhe përgjigjet nga autorët.
• Prezentimi i punimit të kompanisë “AB Group”, nga Prishtina, do ta udhëhiqet nga autori z.Arianit Loxha dhe i njejti do të mbahet në adresën e mësipërme të mërkurën, më 21.02.2024 prej orës 13:00 deri 15:00.
• Prezentimi i punimit të kompanisë “XPlan Studio”, nga Tirana, do ta udhëhiqet nga autori z.Gjergj Islami dhe i njejti do të mbahet në adresën e mësipërme të mërkurën, më 21.02.2024 prej orës 15:00 deri 17:00.

Në ora 18:00 do të shpallen rezultatet e jurisë profesionale dhe votimit të qytetarëve. Koktej rasti do të ketë në ora 19:00.

Për këto dy projekte të rëndësishme, brenda një periudhe njëjavore do të hapen konkurse ndërkombëtare për dizajn arkitekturor, në kërkim të ideve inovative dhe kreative.

Lokacioni i dedikuar për ndërtimin e çerdhe-kopshtit tek Mati 1 i takon zonës kadastrale “Matiçan” dhe është pjesë e Planit Rregullues Urban “Mati 1”.

Ndërkaq, për ndërtimin e çerdhe-kopshtit në Kolovicë i takon zonës kadastrale “Prishtinë”, lagja “Kolivicë” dhe është pjesë e Planit Zhvillimor Urban të Prishtinës.

Kushtet për zhvillimin dhe ndërtimin e çerdhe-kopshteve janë përcaktuar në bazë të udhëzimeve aktuale në fuqi: Udhëzimi Administrativ 08/2017 mbi Normat teknike të Planifikimit Hapësinor (MMPH), Udhëzuesin për Normat dhe Standardet e Hapësirave të Objekteve Parashkollore (MASHT) si dhe PRRU-në aktual.

Të dy konkurset janë të hapura për arkitektë dhe studio projektimi nga e gjithë bota. Të gjitha propozimet duhet të jenë në përputhje me udhëzimet dhe kriteret e specifikuara në dokumentacionin e konkursit, i cili mund të shkarkohet nga faqja në të cilën do të publikohet konkursi.

Përveç këtyre dy shërbimeve, pjesë e pakos është edhe e-Nënshkrimi, që u mundëson të gjithë atyre që e marrin, ta kryejnë procesin e aplikimit pa printuar asnjë letër, sepse edhe nënshkrimi i tyre digjitalizohet. Marrja e nënshkrimit digjital nënkupton mundësinë e përdorimit të tij, jo vetëm për proceset e aplikimit për leje dhe kushte ndërtimore në Komunën e Prishtinës, por edhe për çfarëdo shërbimi tjetër dhe në secilin rast tjetër që mund t’iu duhet.

Lansimi i platformës “e-Nënshkrimi” është një dëshmi e angazhimit të Komunës së Prishtinës për të përmirësuar shërbimet publike dhe për të përshpejtuar procesin e transformimit digjital. Ky është vetëm fillimi i një sërë inovacionesh që synojnë të lehtësojnë jetën e qytetarëve dhe të rrisin efikasitetin e administratës publike. Ne ftojmë të gjithë qytetarët dhe bizneset të përshtaten me këtë sistem të ri dhe të përfitojnë nga avantazhet që ai ofron.

Për t’u qasur në platformën e-nënshkrimi, klikoni në këtë vegëz: e-Nënshkrimi. Ndërkaq, për platformat e-Leja në vegëzën eLeja dhe për atë e-Përcjellja në vegëzën e-Përcjellja.

Platforma “e-Leja” është dizajnuar për të thjeshtuar dhe përshpejtuar procesin e aplikimit për leje ndërtimi. Ajo do të ofrojë një interface që mundëson aplikimin online, duke shmangur radhët dhe pritjet në zyrat e komunës. Përmes kësaj platforme, aplikantët mund të ndjekin statusin e aplikacionit të tyre në çdo kohë dhe të marrin njoftime në lidhje me progresin e tyre, duke siguruar kështu një proces transparent dhe të drejtë për të gjithë.

Vendimi për të kaluar në një sistem të plotë digjital për aplikimet për leje ndërtimi është një hap i madh drejt modernizimit të shërbimeve komunale. Kjo do të ulë ndjeshëm burokracinë, do të lehtësojë procesin për bizneset dhe individët dhe do të kontribuojë në një mjedis më të shëndetshëm biznesor. Gjithashtu, ky proces digjital do të reduktojë ndikimin mjedisor, duke eliminuar nevojën për sasi të mëdha të dokumentacionit në letër.

Për qytetarët dhe bizneset, “e-Leja” do të sjellë një ndryshim të madh në mënyrën se si ata ndërveprojnë me komunën. Përmes kësaj platforme, ata do të përfitojnë nga një proces më i shpejtë dhe më i qartë për marrjen e lejeve të ndërtimit, duke thjeshtuar procedurat dhe reduktuar kostot, si dhe kohën e humbur. Ky inovacion gjithashtu rrit besimin e publikut në komunë, duke siguruar një proces më të hapur dhe më të qasshëm.

Lansimi i platformës “e-Leja” është një dëshmi e angazhimit të Komunës së Prishtinës për të përmirësuar shërbimet publike dhe për të përshpejtuar procesin e transformimit digjital. Ky është vetëm fillimi i një sërë inovacionesh që synojnë të lehtësojnë jetën e qytetarëve dhe të rrisin efikasitetin e administratës publike. Ne ftojmë të gjithë qytetarët dhe bizneset të përshtaten me këtë sistem të ri dhe të përfitojnë nga avantazhet që ai ofron.

Për t’u qasur në platformën e-Leja, klikoni në këtë vegëz: eLeja. Ndërkaq, për platformat e-Nënshkrimi në vegëzën e-Nënshkrimi dhe për atë e-Përcjellja në vegëzën e-Përcjellja.