Autor: ep

Në lagjet Mati 1 dhe Kolovica është planifikuar ndërtimi i dy çerdhe-kopshteve, që për qëllim ka përmirësimin e infrastrukturës arsimore dhe kujdesin më cilësor ndaj fëmijëve prishtinas.

Për këto dy projekte të rëndësishme, brenda një periudhe njëjavore do të hapen konkurse ndërkombëtare për dizajn arkitekturor, në kërkim të ideve inovative dhe kreative.

Lokacioni i dedikuar për ndërtimin e çerdhe-kopshtit tek Mati 1 i takon zonës kadastrale “Matiçan” dhe është pjesë e Planit Rregullues Urban “Mati 1”.

Ndërkaq, për ndërtimin e çerdhe-kopshtit në Kolovicë i takon zonës kadastrale “Prishtinë”, lagja “Kolivicë” dhe është pjesë e Planit Zhvillimor Urban të Prishtinës.

Kushtet për zhvillimin dhe ndërtimin e çerdhe-kopshteve janë përcaktuar në bazë të udhëzimeve aktuale në fuqi: Udhëzimi Administrativ 08/2017 mbi Normat teknike të Planifikimit Hapësinor (MMPH), Udhëzuesin për Normat dhe Standardet e Hapësirave të Objekteve Parashkollore (MASHT) si dhe PRRU-në aktual.

Të dy konkurset janë të hapura për arkitektë dhe studio projektimi nga e gjithë bota. Të gjitha propozimet duhet të jenë në përputhje me udhëzimet dhe kriteret e specifikuara në dokumentacionin e konkursit, i cili mund të shkarkohet nga faqja në të cilën do të publikohet konkursi.

Digjitalizimi i shërbimeve që ofrohen për qytetarët paraqet një prej angazhimeve të rëndësishme të Shërbimit të Arkitektit të Kryeqytetit. Përveç e-Leja dhe e-Përcjellja, përmes të cilave pajisja me leje dhe kushte ndërtimore kryhet krejtësisht në mënyrë elektronike. Në këtë mënyrë, eliminohen vonesat për shkak të mbingarkesës së stafit administrativ, eliminohet çdo mundësi ndërhyrjeje në proces, garantohet barazia e palëve dhe transparenca e procesit dhe bëhet e mundshme përcjellja e tij në çdo hap, me të gjithë dokumentacionin e nevojshëm.

Përveç këtyre dy shërbimeve, pjesë e pakos është edhe e-Nënshkrimi, që u mundëson të gjithë atyre që e marrin, ta kryejnë procesin e aplikimit pa printuar asnjë letër, sepse edhe nënshkrimi i tyre digjitalizohet. Marrja e nënshkrimit digjital nënkupton mundësinë e përdorimit të tij, jo vetëm për proceset e aplikimit për leje dhe kushte ndërtimore në Komunën e Prishtinës, por edhe për çfarëdo shërbimi tjetër dhe në secilin rast tjetër që mund t’iu duhet.

Lansimi i platformës “e-Nënshkrimi” është një dëshmi e angazhimit të Komunës së Prishtinës për të përmirësuar shërbimet publike dhe për të përshpejtuar procesin e transformimit digjital. Ky është vetëm fillimi i një sërë inovacionesh që synojnë të lehtësojnë jetën e qytetarëve dhe të rrisin efikasitetin e administratës publike. Ne ftojmë të gjithë qytetarët dhe bizneset të përshtaten me këtë sistem të ri dhe të përfitojnë nga avantazhet që ai ofron.

Për t’u qasur në platformën e-nënshkrimi, klikoni në këtë vegëz: e-Nënshkrimi. Ndërkaq, për platformat e-Leja në vegëzën eLeja dhe për atë e-Përcjellja në vegëzën e-Përcjellja.

Në kuadër të përpjekjeve të vazhdueshme për modernizimin dhe rritjen e efikasitetit të shërbimeve publike, nga data 1 Janar 2024, do të vihet në funksion platforma e re digjitale “e-Leja”. Kjo platformë do të mundësojë aplikimin për leje ndërtimi dhe percjelljen e të gjithë procesit në mënyrë elektronike, duke bërë të pamundur aplikimin manual për leje ndërtimi nga po ajo datë.

Platforma “e-Leja” është dizajnuar për të thjeshtuar dhe përshpejtuar procesin e aplikimit për leje ndërtimi. Ajo do të ofrojë një interface që mundëson aplikimin online, duke shmangur radhët dhe pritjet në zyrat e komunës. Përmes kësaj platforme, aplikantët mund të ndjekin statusin e aplikacionit të tyre në çdo kohë dhe të marrin njoftime në lidhje me progresin e tyre, duke siguruar kështu një proces transparent dhe të drejtë për të gjithë.

Vendimi për të kaluar në një sistem të plotë digjital për aplikimet për leje ndërtimi është një hap i madh drejt modernizimit të shërbimeve komunale. Kjo do të ulë ndjeshëm burokracinë, do të lehtësojë procesin për bizneset dhe individët dhe do të kontribuojë në një mjedis më të shëndetshëm biznesor. Gjithashtu, ky proces digjital do të reduktojë ndikimin mjedisor, duke eliminuar nevojën për sasi të mëdha të dokumentacionit në letër.

Për qytetarët dhe bizneset, “e-Leja” do të sjellë një ndryshim të madh në mënyrën se si ata ndërveprojnë me komunën. Përmes kësaj platforme, ata do të përfitojnë nga një proces më i shpejtë dhe më i qartë për marrjen e lejeve të ndërtimit, duke thjeshtuar procedurat dhe reduktuar kostot, si dhe kohën e humbur. Ky inovacion gjithashtu rrit besimin e publikut në komunë, duke siguruar një proces më të hapur dhe më të qasshëm.

Lansimi i platformës “e-Leja” është një dëshmi e angazhimit të Komunës së Prishtinës për të përmirësuar shërbimet publike dhe për të përshpejtuar procesin e transformimit digjital. Ky është vetëm fillimi i një sërë inovacionesh që synojnë të lehtësojnë jetën e qytetarëve dhe të rrisin efikasitetin e administratës publike. Ne ftojmë të gjithë qytetarët dhe bizneset të përshtaten me këtë sistem të ri dhe të përfitojnë nga avantazhet që ai ofron.

Për t’u qasur në platformën e-Leja, klikoni në këtë vegëz: eLeja. Ndërkaq, për platformat e-Nënshkrimi në vegëzën e-Nënshkrimi dhe për atë e-Përcjellja në vegëzën e-Përcjellja.

Transformimet e qyteteve, nën presionin e ekonomizimit të kohës, kërkojnë gjetjen e mënyrave për komunikim efikas dhe efektiv, si nevojë dhe domosdoshmëri për t’i lidhur projektet e rëndësishme me palët e interesit. Projekti për Prishtinën tejkalon vetëm një shkëmbim informacioni; ka të bëjë me nxitjen e një dialogu gjithëpërfshirës, duke rezonuar me demografi të ndryshme dhe për të garantuar që çdo zë, edhe ai që mund të ngjajë më i parëndësishmi, do të dëgjohet dhe vlerësohet.

Përdorimi i mediave tradicionale, platformave dixhitale në zhvillim dhe angazhimeve të drejtpërdrejta të komunitetit hap rrugën për një shtrirje gjithëpërfshirëse, duke siguruar që asnjë qytetar të mos mbetet i painformuar ose i lënë anash. Ndërlidhja e këtyre kanaleve dhe mjeteve nuk përbën thjesht një qasje sistematike për t’i mbajtur njerëzit të informuar; është një ftesë gjithëpërfshirëse për çdo banor që të bëhet bashkëautor në rrëfimin krejt unik të transformimit të Prishtinës.

Nisur nga këto premisa, Shërbimi i Arkitektit të Kryeqytetit do të jetë i qasshëm për të gjithë qytetarët e Prishtinës, përveç përmes llogarive në rrjete sociale edhe në platformën shak.archi, si qendër në të cilën grumbullohen të gjitha informacionet e rëndësishme, në formën e lajmeve dhe njoftimeve, blogjeve, galerive të fotografive dhe videove dhe kohështrirjeve të projekteve. Po ashtu, në këtë platformë do të nxirren fillimisht të gjitha konkurset kombëtare dhe ndërkombëtare për të gjitha fushat të cilat ShAK-u mbulon.